II Aniversario do PACC
II Aniversario do PACC
Co fin de celebrar o II Aniversario do Parque Arqueolóxico da Cultura Castrexa – PACC o sábado 12 de marzo, temos preparado un estupendo programa para toda a familia que de seguro espertará o interese e a curiosidade de todos os que vos acheguedes ao Parque ao longo do día.
Poderedes visitar a área arqueolóxica acompañados de guías especializados e desfrutar de variadas exhibicións da man dos nosos monitores. Descubrir a orixe do lume, coñecer as diferentes técnicas de caza na Prehistoria, indagar no proceso do tecido durante a Idade do Ferro ou achegarse ao interesante mundo da ourivería castrexa, son algunhas das propostas que vos suxerimos para pasar unha divertida e didáctica xornada no PACC.
As actividades terán lugar dende as 11.00h ata as 18.00 h, están dirixidas a todos os públicos e todas elas son de balde COA ENTRADA AO PARQUE.
As visitas guiadas teñen aforo limitado, polo que recomendamos reservar no 988 267 285 ou en reservas@pacc.es
Máis información en info@pacc.es ou no 988 267285.
Buscar no sitio web
Próximos eventos
- Bo Nadal e Feliz Aninovo20 Dec 2021Cos nosos mellores desexos… Bo Nadal e Feliz Aninovo...
- Actividades Pacc Lansbrica03 Dec 2021...
- Camina pola igualdade03 Dec 2021...